Möcüzəli Xınalıq və Füsunkar Qubaya səyahət
rəy
Gəzinti Turları, Təbiət Turları
İstiqamət:
Xınalıq, Quba
Müddət:
12 saat
Tur haqqında
Zəngin tarixə və füsunkar təbiətə malik Quba Bakıdan 168 km məsafədə, Böyük Qafqazın şimal-şərq yamaclarında, dəniz səviyyəsindən 600 metr yüksəklikdə, Qudyalçayın sahilində yerləşir. Uğurlu yerləşmə mövqeyinə və zəngin infrastrukturuna görə Quba rayonu turistlərin ən sevimli yerlərindən biri hesab edilir.
Buraya səyahət edən turistlər kölgəli meşədə, Vəlvələçayın gur sularının axdığı, “Azərbaycan təbiətinin abidələri” siyahısına daxil edilmiş Afurca şəlaləsinin olduğu Təngəaltı dərəsində, ecazkar Qəçrəş ərazisində istirahət edə bilərlər.
Rayonun ərazisində dəniz səviyyəsindən 2500 metr yüksəklikdə yerləşən unikal dağ kəndi Xınalıq mövcuddur. Kəndin əhalisi öz dili ilə ayrıca etnoqrafik qrup təşkil edir. Xınalığın yaxınlığında bənzəri olmayan daha bir dağ kəndi Qrız öz gözəlliyi ilə insanları valeh edir.
Tur proqramı
09:00 - Xınalıq kəndinə transfer
11:00 - Qubanın heyranedici yerlərinə ekskursiya - Gözəl mənzərəli meşə yolu və Qəçrəş kəndi - Təngəaltı kəndi yaxınlığında yerləşən Vəlvələçay sahilləri - Möhtəşəm Kanyon və Qudyalçay sularının keçdiyi qədim Tağlı körpüsü - Fətəlixan Abidəsi və yəhudilərin məskunlaşdığı Qırmızı Qəsəbə - Hündürlüyü 37 metr olan Afurca şəlaləsi - Quba şəhər mərkəzinin ən maraqlı və görməli yerləri ilə tanışlıq - Quba şəhərində XIX əsrə aid Səkinəxanım, Hacı Cəfər və Cümə məscidləri, Gümbəzli hamam - 1897-ci ildə tikilmiş "Ərdəbil" məscidi - 1909-cu ildə tikilmiş Axund məscidi - "Qədim Quba" xalça fabriki - Məşhur Quba şirniyyatları olan "Quba paxlavası" və "Quba bükməsi"ni istehsal edən sexlər ilə tanışlıq
13:00 - Nahar fasiləsi. Bizim bələdçi münasib qiymətlərə yerli mətbəxi sizlərə təklif edəcək
15:00 - Xınalıq kəndinin mənzərəli və görməli yerləri ilə tanışlıq
17:00 - Bakıya qayıdış
20:00 - Bakıya çatmaq və Şam yeməyi
21:00 - Otelə transfer
