Bakıda Sehirli Novruz Turu
rəy
Gəzinti Turları, İncəsənət və Mədəniyyət
İstiqamət:
Bakı, Abşeron
Müddət:
2 gün
Tur haqqında
Bu tur Novruz bayramında şəhərin sehirli atmosferini hiss etmək və görməli yerlərini kəşf etmək üçün əla seçimdir.
Novruz Bayramı
Tarixi, çox qədim olan Novruz bayramı hər il xalqımız tərəfindən böyük təntənə ilə qeyd olunur. Novruz bayramı təzə ili, baharın ilk gününü qarşılamaq deməkdir. Günəş dünyanın cənub yarımkürəsindən şimal yarımkürəsinə keçdiyi vaxt gecə ilə gündüz bərabərləşir. ….. Bu vaxt qış qurtarır, Yaz fəsli başlayır. Elə Novruz bayramı da bu gündə keçirilir. Deməli, Novruz bayramı əslində yazın, baharın ilk günü, təbiətin canlanması, torpağın oyanması bayramıdır.
Əsrlərin sınağından çıxmış mənəvi dəyərlərimizi, adət-ənənələrimizi özündə yaşadan Novruz insanlar arasında birliyin və mehribanlığın möhkəmləndirilməsi, onların bir-birinə mərhəmət və diqqət göstərməsi kimi sağlam bir təməl yaratmışdır. Novruz bayramı sağlamlığın, firavanlığın başlanğıcıdır. Novruz başdan-başa ruh yüksəkliyi, əmək coşqunluğu, torpağa, insana məhəbbət bayramıdır. Elə bu məhəbbətlə bağlı yaranmış Novruz tapmaca, atalar sözü və adətlərində ulu babalarımızın müdrik dünya görüşü, humanist baxışları, həlim qayğıkeş təbiəti özünü göstərir.
Çox vaxt yeddi sin süfrəsi də açılır. Yeddi sin süfrəsi sin “s” hərfi ilə başlayan sirkə (dad və zövqə işarədir), sarımsaq (sağlamlıq), səbzə(ümid), sumax (bərəkət), sikkə (varlıq), saat( uzun ömür) və su (aydınlıq) deməkdir. Süfrənin ortasında qırağı şamlarla bəzədilmiş səməni qoyulur.
Novruz çərşənbələri müqəddəs sayılır. Su, od, torpaq və yel çərşənbələri.
Gediləcək Yerlər:
• Içərişəhər
• Minyatür Kitablar Muzeyi
• Dağüstü Park
• Alov Qüllələri
• Şəhidlər Xiyabanı
• Bakı Bulvarı
• Bayraq Meydanı
• Xalça Muzeyi
• Beynəlxalq Muğam Mərkəzi
• Fontanlar Bağı
• Hökumət Evi
• Atəşgah
• Yanardağ
• Heydər Əliyev Mərkəzi
Tur proqramı
1-ci Gün
- Bakının əsas görməli yerləri
- Müxtəlif suvenir, xalça və əl işləri mağazaları
- Şirvanşahlar Sarayı
- Cümə Məscidi
- Qız Qalası
- Nizami küçəsi
- Xalça Muzeyi
- Nahar fasiləsi
- Asudə vaxt
- Bakıda gecələmə
2-ci Gün
- Foto çəkiliş üçün H.Əliyev Mərkəzinə getmək
- Nahar fasiləsi
- Atəşgah
- Yanardağ
- Asudə vaxt
- Otelə transfer
