Bakı Qədim Şəhər Turu və Novruz Bayramı
rəy
Gəzinti Turları, İncəsənət və Mədəniyyət, Tədbirlər
İstiqamət:
Bakı, İçərişəhər
Müddət:
5 saat
Tur haqqında
Bu tur Novruz bayramı zamanı Bakının sehirli mühitini hiss etmək, bayrama aid mərasimlərdə iştirak etmək, tonqalın üzərindən tullanmaq, papaq atmaq istəyən turistlər üçün idealdır.
Novruz Bayramı
Tarixi, çox qədim olan Novruz bayramı hər il xalqımız tərəfindən böyük təntənə ilə qeyd olunur. Novruz bayramı təzə ili, baharın ilk gününü qarşılamaq deməkdir. Günəş dünyanın cənub yarımkürəsindən şimal yarımkürəsinə keçdiyi vaxt gecə ilə gündüz bərabərləşir. ….. Bu vaxt qış qurtarır, Yaz fəsli başlayır. Elə Novruz bayramı da bu gündə keçirilir. Deməli, Novruz bayramı əslində yazın, baharın ilk günü, təbiətin canlanması, torpağın oyanması bayramıdır.
Əsrlərin sınağından çıxmış mənəvi dəyərlərimizi, adət-ənənələrimizi özündə yaşadan Novruz insanlar arasında birliyin və mehribanlığın möhkəmləndirilməsi, onların bir-birinə mərhəmət və diqqət göstərməsi kimi sağlam bir təməl yaratmışdır. Novruz bayramı sağlamlığın, firavanlığın başlanğıcıdır. Novruz başdan-başa ruh yüksəkliyi, əmək coşqunluğu, torpağa, insana məhəbbət bayramıdır. Elə bu məhəbbətlə bağlı yaranmış Novruz tapmaca, atalar sözü və adətlərində ulu babalarımızın müdrik dünya görüşü, humanist baxışları, həlim qayğıkeş təbiəti özünü göstərir.
Çox vaxt yeddi sin süfrəsi də açılır. Yeddi sin süfrəsi sin “s” hərfi ilə başlayan sirkə (dad və zövqə işarədir), sarımsaq (sağlamlıq), səbzə(ümid), sumax (bərəkət), sikkə (varlıq), saat( uzun ömür) və su (aydınlıq) deməkdir. Süfrənin ortasında qırağı şamlarla bəzədilmiş səməni qoyulur.
Novruz çərşənbələri müqəddəs sayılır. Su, od, torpaq və yel çərşənbələri.
Gediləcək yerlər:
İçərişəhər və ya Qədim Şəhər
Bu tarix və memarlıq qoruğuna daxildir: Qoşa Qala qapısı, Şirvanşahlar sarayı, Sınıq qala minarəsi, Qız qalası, Orta əsrlər meydanı, İçərişəhər arxeoloji muzeyi, Seyid Yəhya Bakuvi türbəsi, karvansaraylar, Mollaxana, çox sayda məscid, mədrəsələr, Xanlar Evi, XIX əsrin çoxsaylı zəngin mənzilləri.
Minyatür Kitablar Muzeyi
kiçik kitabların nəhəng kolleksiyası
Tur proqramı
15:00 - Qədim Şəhər Turu
18:00 - Qədim Şəhərdə gəzmək və mextəlif mərasimlərdə iştirak etmək
20:00 - Otelə transfer
